Tuesday, December 15, 2009

سنه جديده سعيده عليكوووو

اااااااااااااه بقالي كتير اوى مدخلتش هنا انا بدات ادون من سنه 2006 تقريبا وحصلتلى ظروف كتيره اوى صعبه وشيلتها خالص بس الحمدلله
-----------------------------------------------
بعد اما فوقت رجعتها تانى ولكن بعد ما خسرت ناس كتيرة اوى اوى كانوا عارفنى المهم سنه جديده سعيده عليكو ويارب كل واحده يقعد مع نفسه كده ويعمل زي حصاد 2009 وعمل فيها ايه حلو وعمل فيها ايه وحش
وياترى كل واحد ب
قى نفسه في ايه السنه الجديده 2010؟
وايه احلى حاجه حصلت لكل واحد فيكم في 2009؟
وايه اوحش حاجه حصلت؟
----------------------------------------------
وانا هابتدى انا احلى حاجه حصلت ليا في 2009 انى اتخطبت للانسان اللى الحمدلله كنت بتمناه
وانى صاحبت ناس كتيره اوى الحمدلله طلعوا كويسين
واوحش حاجه انى اتنيلت واشتغلت في البتاع اللى بشتغل فيه ده ...يلا نصيب بقى
وانى برضه عرفت ناس كتيرة طلعوا زفت
اللى بتمناه ان فرحتى تكمل بخطيبي وجوازى ...يااااااااربوانى الاقي شغل احسن وان احوالى تتصلح واشوف كل اللى بحبهم بخير
----------------------------------------------
يلا يا اصحابي عاوزين نتشارك باحلامنا وزكرياتنا مع بعض ونقرب من بعض اكتر واكتر

Sunday, November 8, 2009


اصعب حاجه لما تحس انك فرحان اوى....وخايف اوى من الفرحه وعلى الفرحه دي
اصعب حاجه لما تحس ان ربنا اداك احلى حاجه في دنيتك....وفي نفس الوقت تخاف منها او تخاف عليها اوى
اصعب حاجه لما تحس ان فيه قدامك ظلم ومش عارف ترده....وتخاف على نفسك لا تتظلم من نفس الشخص
اصعب حاجه انك تحس ان اقرب الناس ليك مش واقف جنبك
اصعب حاجه لما تحس بالخوف من حاجه متعرفهاش
او من بكره....بالذات من بكره
مشاعر كتيرة اوى جوايا من حب اوى اوى ومن اطمئنان اوى اوى
ومن خوف اوى اوى
ومن خنقه اوى اوى اوى
ومن ظلم اوى اوى اوى

Saturday, October 17, 2009

يارب تممها بخير يا رب

خطوبتى يوم الخميس معرفش حاسه بإيه
والله ما اعرف فرحانه
خايفه
مش عارفه
بس احساس غريب
ا
لمهم عاوزة دعواتكم ليا
انه يتمها لى بخير ....والتفاصيل بقى يوم الجمعه لان هايبقى عندى موقعه اسمها المشاوير والفساتين واللذي منه
والبنات بقى عارفه
وعقبالكم كلكم

Saturday, September 26, 2009

ادعولى





مش هقول غير كلمتين
حيرانه اوى اوى
ادعولى بجد ان ربنا يقدملى كل الخير

Saturday, September 5, 2009

رمضانيات وكل سنه وانتو طيبين

كل سنه وانتم طيبين تانى وقربنا اهو على ليله القدر ويارب دعواتنا كلها تكون مستجابه اما عن رمضان وتليفزيون رمضان واعلانات رمضان ....واه من اعلانات رمضان والى لفت نظري في اعلانات رمضان (غير انها طويله وبايخه)3 حاجات

اولا: جريده روزاليوسف جريده بلون حياه كل المصريين
ده على اساس ان حياه المصريين بيضا

ثانيا: السكك الحديديه اللى بيطوروها كتر خيرهم في العربيات بتاعت القطارات(تو ما افتكروا يعنى)وشوف عندك بقى
ابوس رجليكو يا مصريين يا معفنين احنا نضفناكو وجددنا لكم القطر انضفوا بقى وبلاش توسخو

ثالثا:مستشفى سرطان الاطفال
هم الساده الاعلاميين بتوع الاعلانات والفنانين بيفتكروهم في رمضان بس
على اساس ان المستشفى بتفتح في رمضان او بتبدا في استقبال المرضى في رمضان بس

وربنا يجعل بيت المحسنين عمار ويجعله عامر مع الاعتذار للاستاذ احمد رجب

Thursday, August 20, 2009

رمضان كريم عليكو


كل سنه اونتو طيبين ورمضان كريم علينا كلنا ويارب نكون رمضان ده اقرب لربنا اكتر واكتر واللى كان نفسه يدعى ربنا بحاجه يدعى وربنا ان شاء الله يستجيب واللى كان نفسه امنيه تتحقق في رمضان يارب تتحقق
ويارب يتغفر لنا ذنوبنا كلنا ويجعل ايامنا كلها رمضان ويبعد عننا استفذاذات الشوارع والتليفزيون امين
اما عنى بقى ف انا نفسي في فااااااااااااااااااااانوس
بس مش اى فانوس
ولا بيصفر ولا بيزمر ولا بيغنى ولا بيشتغل بالبطاريه ولا على شكل كرومبو ولا ماركته صيني
انا عاوزاه مصري...مصري اوى اوى
زي اللى فوق ده له طعم وشكل وفرحه تانيه خاااااااااااالص
بس هلاقيه فين ده بس؟

Sunday, August 9, 2009

نفسي يا اخواااااااااااااااااتى


النهارده بقى يوست خفيف كده
يعنى حاجه كان نفسي فيها من زمااااااااان اوى وبتكلم عنها مع كل اصحابي
وبما انكم اصحابي_مش كده ولا ايه_ وقررت انى ما شيلش حاجه في نفسي ابدا ابدا ولازم اقولكم على اللى جوايا
ايا كان بقى عبيط اهبل بس احنا صحاب فيعنى استحملونى بقى
قصر الكلام
انا كان نفسي اعيش ايام زمااااااااااااان
ياااااااااااااااااااااااااااااه رده حلمى بجد
ايام ما الدنيا كلها كانت صغيره
الناس احلامها كانت بسيطه اوى ايام المثل الشعبي اللى تحس انه ليه في خير"ان فاتك الميري اتمرمغ في ترابه"ياسلام(وهو فين الميري دلوقتى الواحد ولا طايل ميري ولا حتى مدنى) احم
المهم يعنى عشان ماندخلش في السياسه
كان نفسي اعيش ايام عبد الحليم وشاديه
ايام الفساتين المنفوشه والكعب العالى وتسريحات الشعر اللى كانت بتخلى الانثى انثى
ست يعنى ايام لما كان بيتنده لها ب ياهانم
الله الله
دلوقتى بنسمعها في الشتيمه والتريقه
ماعلينا من الواقع
والراجل كان بينزل بالبدله تحس انه عليه القيمه كده
راجل راجل
والاطفال بالضفاير والشورتات
الله الله
والستات الشعبيات اللى كانوا بيتلفوا بالملايه اجدعها لفه وتنزل وتنزل على وشها البيشه وتنده للحانطور
يااااااااااااااه
بجد انا كان نفسي اعيش اوى في الايام دي
بغض النظر عن الحروب اللى كانوا فيها والمشاكل وعدم المعرفه بالدين
بس انا بحلم وماينفعش الواحد يحلم بحاجه وفجاه وهو بيحلم بالجنينه يحلم ان كان في الجنينه تعبان
اظن ما يبقاش حلم
المهم
كان نفسي اوى اشوفهم بيتكلموا ازاى وايه انطباعاتهم وايه تقاليدهم اللى حل عليها التعديلات
والله لما باجى اقارن دلوقتى بالحلم بتاعى
الحاضر بتاع الجينز اللى مايفرقش الولد عن البنت غير الطرحه
والبناطيل الرجالى اللى وسطها بيبدا عن الركب
والمثل القائل"البناطيل في النازل والبديهات في الطالع" احم
غير الكلام طبعا اللى حدث ولا حرج من طنش وكبر ونفض وبيس يا مان
انا ماليش دعوة بكل ده
انا فعلا كنت بحلم انى اعيش في النقاء ده كان نفسي كمان اعيش في حاره او حي شعبي
ياااااه بجد انا اعشق الشعبيات
جدا
والرجاله اللى يتحمقوا على واحده عارفين انها من الشارع ويتخانقوا عشانها
والحب بتاع زمان اللى كان الواحد بيعرف يحب بجد
يااااااااااااه
أى أى أى
عجبكو كده اديني صحيت من الحلم على اختى المصون اللى مشغله سيجاره بنى
يلا اما اقوم اغنى معاها اظاهر انه مفيش فايده
والشارع اللى ورايا قدامى والكلام على طرف لسانى باجى اتكلم اتخلبط ياعيني ولع يا سيدي ولع

Tuesday, July 28, 2009

واغرب الفتاوى


واغرب الفتاوى التى قراتها مؤخرا

الميت بسبب مرض الايدز

شهيدا

لا تعليق

Saturday, July 11, 2009

موقف صغير ...يندى له الجبين


موقف صغير حصل قدام عيني واستغربت منه اوى كنت نازله من الشغل اشترى حاجات يعنى اكل بسكويت وعصير وبعدين مكانش معايا فكه اديت للراجل 10 جنيه عشان احاسب وفي نفس الوقت جه شاب اخد بسكوته واحده وحاسب الراجل واداله 10 جنيه لقيت الراجل بيقوله" لا والله مفيش فكه" الشاب راح سايب البسكته وحط الفلوس في جيبه ومشي انا قلت بقى اخد بعضي بادب كده واحط الحاجه مادام الراجل مش معاه فكه واجيب من حته تانيه ولسه هاحط الحاجه لقيت الراجل مطلع من جيبه شويه فلوس جنيهات على انصاص على ارباع على خمسات وراح فاكك لى الفلوس وسيبته ومشيت طبعا هتسالو ايه الغريب في كده الغريب ان الراجل حلف بالله انه معهوش فكه وده ليه الله اعلم مع ان الراجل مطلع قدام عيني فكه كتير هل لغايه النهارده الحلفان بربنا كدب بقى منجى دون اعتبار ان ان الحلفان بالكدب بيهز عرش السموات السبع وشوفوا بقى كام واحد بيحلف عشان ينجى نفسه ياااااااااه مش بقول احنا عايشين في غابه

Friday, June 26, 2009

انا ومنى و"وندى" واه منك يا ندى


عنوان غريب وى انا عارفه بس فيه حاجه حصلتلى من يومين وعشان انا قررت انى احكى كل حاجه بتحصلي وحشه كانت او حلوة الا ان الموقف استوقفنى جدااااا وهقولكم السبب
انا اعز اصحابي "منى"حبيبتى واختى وصاحبتى هيه متجوزة ومخلفه بيبي زي العسل اسمها "ندى"وحطو الف خط على ندى دي
المهم من كام يوم اتصلت بيها لان منى دي من اكتر الناس اللى برتاح في الكلام معاهم لانها فاهمانى اوى اوى وعارفانى اوى وهيه اللى بتحس بيا وبتقولى على احساسي اللى جوايا من غير انا ما اقوله
المهم المكالمه كالاتى
انا: ازيك يا منى وحشتني اةى
منى:وانتى كمان يا ندله بجد واحشانى
انا:انا برضه اللى ندله مانا بتصل بيكي اهو
منى:انا عارفه بس انتى عارفه من يوم ما ندى جت وانا والله مش عارفه اعمل اى حاجه منها
انا:ولا يهمك يا مونى...بقولك ايه انا نفسي اشوفك جدا جدا
منى:وانا كمان واللهي يا مها
انا: خلاص مش محمد قايلك مادام ندى كبرت ممكن تاخديها وتخرجى معايا عادى
منى: اه طبعا
انا: خلاص يا منى اتحلت تعالى بدل قاعده البيت ننزل نخرج مع بعض
منى: خلاص اوك شوفي اى يوم ننزل فيه نروح نقعد في اى جنينه
!!!!!!!!!!!!!
انا: !!!!!!!!!جنينه
منى: قالتلى اه طبعا اما انتى فاكره ايه هوه انا هعرف اقعد معاكى في مكان وكافي وكده والهانم دي معايا...استحاله طبعا لانها ممكن تفضحنى
انا: هوه الزمن جرى بينا للدرجه دى...هوه احنا كبرنا اوى كده
منى: يا مها خلاص انا بقيت ام ومعنتش بفكر زي زمان فيه اولويات تانيه
انا: يا منى انتى فكرتينى بامى وخالاتى
منى:الزمان جرى يا مها اوى اوى اوى انا نفسي مش مصدقه انى بقيت ام انا ساعات بقعد ابص لندى واقولها انتى جيتي امتى واخدتى حياتى منى ازاى
شفتو بقى
ده اللى انا بكلم فيه...الزمن جرى اوى اوى اوى بيا...مش حاسه بيه
دي منى اللى كنا بننزل يحصلنا كل موقف ولتانى ونقعد نضحك عليه بسبب الهبل اللى احنا فيه
وصلنا للدرجه الامهات والخاله والبت والعيال كده يا ندى تاخدى منى اختى منى؟؟
ياااااااااااه
كده برضه يا زمن

Monday, June 15, 2009

تعبت ولسه تعبانه وهتعب كتييييير


ايوة تعبت..تعبت اوى ومخنوقه اوى وحاسه ان فيه جبل على صدري
ليه؟؟؟؟؟؟
عشان معنتش عارفه اثق في حد انا بقى عندى ازمه ثقه كبيره اوى مش عارفه اتعامل مع الناس على انهم وحشين وفي نفس الوقت مش عارفه اتعامل معاهم على انهم كويسين
بيقولوا "سوء الظن من حسن الفطن"ماشي
وبيقولوا " افترض سوء النيه الى ان يثبت العكس"برضه ماشي
كلام جميل ويوزن العقل نظري
طيب والتطبيق؟؟؟؟؟؟؟؟
انا مش عارفه اطبقه .انا حاسه انى ضايعه في وسط الناس مش عارفه اثق في حد ومش عارفه ما اثقش
كل اما اجى اثق اخد على دماغي..ليه كل اما الاقي حد يعاملنى كويس ويحلفلى بدل الحلفان عشرة اصدقه واحس ان ربنا بيعوضنى عن الناس الوحشه اللى قابلتهم وبعد فتره ابص الاقيهم وحشين برضه وانهم كانوا بيضحكوا عليا
هوه العيب منى؟...هوه انا غبيه؟؟؟؟
طيب انا كده ومعرفش اكون غير كده....وحاسه ان دماغي هتنفجر
تعبت وحاسه ان محتاجه لدكتور نفسي بجد ...تعبت اوى
بس ليه انا اللى بيتعمل فيا ده؟؟؟هوه انا ايه؟؟؟؟
بالعكس انا مصيبتى انى طيبه بهبل اوىىىىىىىىىىىى
واصحابي يشهدو بكده
انا مش عارفه اعمل ايه في نفسي مش عارفه اعيش
وعاوزة اموت
اوى
اوى
اوى
اعمل ايه يا ربي
انا حاسه انى معتش عندى ثقه في نفسي مش في حد...وبقيت بشك في كل حاجه حتى في اهلى
انا فلا مش عارفه اعمل ايه
بنات واتبهدلنا من البنات
خطوبه وحب وجواز وانضرب على قفايا ميت ايد حتى من اهلى
طيب اعمل ايه...اعمل ايه
انا تعباااااااااااااااااانه
ومدمرررررررررررررة
ومخنووووووووووووووووووقه
ومعنديش رغبه في الحياه
هيه الناس ليه بقيت كده...انا مش عارفه اعيش في الزمن ده...مش عاوزة اتعامل مع حد
بس كل اما اقول لنفسي كده اتعب اكتر لانى اجتماعيه واحب الحياه وسط الناس...كل اما اقول لا انا هعمل وهسوى ومش هسمح
ترررررررررجع ريما لعادتها القديمه وارجع انا زي مانا اتعامل بنيتى ...بقلبي..بسجيتى
واخخخخخخخخخخد على دماغ
انا عارفه ان ده غباء بس مشكلتى انى مش عارفه اتغير وحياه ربنا مش عارفه ونفسي
انا معنتش عارفه اعيش والله
انا مخنوقه لدرجه انى مش شايفه الكيبورد من الدموع
وملقيتش غير المدونه بتاعتى وانتو اصحابي تساعدونى اعمل ايه
الكلام مفيش اسهل منه
انا عاوزة حل حل حل كتير عليا حل؟؟؟؟؟؟
انا تعبت
ولسه هتعب لانى مش عارفه اتغير وعارفه نفسي انى مش بتغير ومش هتغير
مشكلتى انى لما اعرف ان اللى قدامى وحش وابدا اخد حذري منه معرفش اتعامل معاه والاقيني اتحاشاه
طيب وامتى...امى بتقولى ما تثقيش في حد...معرفش والله
معرفش ابقى بين البينين
يا اما اثق يا اما لا
عااااااااااااارفه انه غباء وانى غبيه
طيب الحب ان ربنا ياخدنى صح؟؟؟؟؟؟؟
طيب دي مش حاجه في ايدي انا كده مش عاوزة الدنيا اه بس عاوزة الاخره مش هخسر كل حاجه
ياااااااارب ساعدنى لانى ضعيييييييفه اوى ومحتاجه ليك
ومحتاجه لناس حواليا اكتر من اى حاجه تانيه محتاجه ناس تحبنى وتفهمنى وما تضحكش عليا محتاجه لكده اوى
لانى بجد حاسه انى وحيييييييييييييييييييييييييده اوى
وحده وحشه اوى
من جوايا
انا معنتش عارفه اكتب ايه ولا ايه بس انا اخدت على دماغي كتير ودماغي وجعتنى اوى اوى لانى من النوع اللى يفكر وبيحاسب نفسه اوىىىىىىىى بدرجه ممكن تخليني اقوم اضرب دماغي في الحيط واقولها اسكتى اسكتى اسكتى بقى
انا عارفه ان نهايتي قربت يااما بجلطه يا اما بازمه قلبيه لانى مش عارفه اعيش كده
مش عارفه اعيش مع الناس
مش عارفه
اعمل ايه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
حد يدلنى انا مخنوقه فعلا ومش قادره اتنفس من الخنقه

Thursday, June 4, 2009

اشتاق اليك يا قدري


اين انت ياقدري؟
ياقدري الذي اعيش من اجلك.
ياقدري الذي طالما سهرت بإنتظارك.
ياقدري الذي أراك في اوجة الناس.
ياقدري الذي بسببك خدعت فالأخرين وكنت اظنهم انت.
ياقدري الذي لاأعلم حتي الأن متي ولاكيف اراك.
ياقدري الذي لاأعلم اذا كنت ستجعلني سعيدة ام تعيسة.
ياقدري الذي اخشاك ولكن برغم ذلك انتظرك ومتشوقة لرؤياك.
ياقدري الذي لاأعرفك ومع ذلك اصحومن نومي وكلي امل في رؤياك.
ياقدري الذي لم يغيب عن ذهني لحظة.
ياقدري الذي ابحث عنك في وجوة من حولي.
ياقدري الذي اعيش معك في اجمل قصة حب.
متي تأتي ياقدري؟
وكيف تأتي؟
وكيف تبدو؟
وهل تتأخر؟
هل ستكون شىء غيرمتوقع؟
هل ستحبني؟
هل ستعشقني مثلماأعشقك الأن وانامازلت لاأعرفك؟
هل ستبحث عني؟
وهل تبحث عني الأن؟
هل تعرفني وتتمناني قدرك ام حائرمثلي؟
هل تفكرفي؟
هل اعرفك ولاأراك؟
هل ابحث عنك ام ادعك تأتي فجأة؟
مهما تكون او ستكون مهما كان اسمك او شكلك
فانا احبك وسأحبك فأنا انتظرك وسأنتظرك
ولكن ارجو ان لاتخيب ظني ارجو ان لاتكون سببا لتعاستي
ارجو ان تشعرني بان انتظاري له معني ولم يضع هباء
فانا احافظ علي كل شيئ لاجلك فقط
فانا ارتب كلماتي خشية ان اراك وتضيع مني بسبب صمتي
ارتب افكاري ارتب تصرفاتي ارتب كل شئ
اعرف ان كنت نصيبي سوف احصل عليك فهذا قدري المقدر لي
ولكني اريد كل شيئا مثاليا ترقبا لانتظارك
فانا احبك احبك وسعيدة بإنتظارك

Wednesday, June 3, 2009

واول كلامى سلااااااااااااااااااام


واول كلامى سلام واول حاجه لازم اقولها انى بقول كل حاجه من جوة اوى اوى وعايزة الناس كلها تشاركنى ارائي افكاري وحتى قراراتى
كان عندى مدونه من زمان اوى اوى وبنفس لاسم لاللى فاكر واتوقفت بس رجعت تانى بنفس الاسم وقررت انى اكتب وقررت كمان ان مفيش حد هايحرمنى من حاجه انا بحبها
وانا بحب التدوين جدا جدا
ويارب ما اتوقفش تانى ومحتاجه التشجيع عشان نتكلم مع بعض ونعرف راى بعض