النهارده بقى يوست خفيف كده
يعنى حاجه كان نفسي فيها من زمااااااااان اوى وبتكلم عنها مع كل اصحابي
وبما انكم اصحابي_مش كده ولا ايه_ وقررت انى ما شيلش حاجه في نفسي ابدا ابدا ولازم اقولكم على اللى جوايا
ايا كان بقى عبيط اهبل بس احنا صحاب فيعنى استحملونى بقى
قصر الكلام
انا كان نفسي اعيش ايام زمااااااااااااان
ياااااااااااااااااااااااااااااه رده حلمى بجد
ايام ما الدنيا كلها كانت صغيره
الناس احلامها كانت بسيطه اوى ايام المثل الشعبي اللى تحس انه ليه في خير"ان فاتك الميري اتمرمغ في ترابه"ياسلام(وهو فين الميري دلوقتى الواحد ولا طايل ميري ولا حتى مدنى) احم
المهم يعنى عشان ماندخلش في السياسه
كان نفسي اعيش ايام عبد الحليم وشاديه
ايام الفساتين المنفوشه والكعب العالى وتسريحات الشعر اللى كانت بتخلى الانثى انثى
ست يعنى ايام لما كان بيتنده لها ب ياهانم
الله الله
دلوقتى بنسمعها في الشتيمه والتريقه
ماعلينا من الواقع
والراجل كان بينزل بالبدله تحس انه عليه القيمه كده
راجل راجل
والاطفال بالضفاير والشورتات
الله الله
والستات الشعبيات اللى كانوا بيتلفوا بالملايه اجدعها لفه وتنزل وتنزل على وشها البيشه وتنده للحانطور
يااااااااااااااه
بجد انا كان نفسي اعيش اوى في الايام دي
بغض النظر عن الحروب اللى كانوا فيها والمشاكل وعدم المعرفه بالدين
بس انا بحلم وماينفعش الواحد يحلم بحاجه وفجاه وهو بيحلم بالجنينه يحلم ان كان في الجنينه تعبان
اظن ما يبقاش حلم
المهم
كان نفسي اوى اشوفهم بيتكلموا ازاى وايه انطباعاتهم وايه تقاليدهم اللى حل عليها التعديلات
والله لما باجى اقارن دلوقتى بالحلم بتاعى
الحاضر بتاع الجينز اللى مايفرقش الولد عن البنت غير الطرحه
والبناطيل الرجالى اللى وسطها بيبدا عن الركب
والمثل القائل"البناطيل في النازل والبديهات في الطالع" احم
غير الكلام طبعا اللى حدث ولا حرج من طنش وكبر ونفض وبيس يا مان
انا ماليش دعوة بكل ده
انا فعلا كنت بحلم انى اعيش في النقاء ده كان نفسي كمان اعيش في حاره او حي شعبي
ياااااه بجد انا اعشق الشعبيات
جدا
والرجاله اللى يتحمقوا على واحده عارفين انها من الشارع ويتخانقوا عشانها
والحب بتاع زمان اللى كان الواحد بيعرف يحب بجد
يااااااااااااه
أى أى أى
عجبكو كده اديني صحيت من الحلم على اختى المصون اللى مشغله سيجاره بنى
يلا اما اقوم اغنى معاها اظاهر انه مفيش فايده
والشارع اللى ورايا قدامى والكلام على طرف لسانى باجى اتكلم اتخلبط ياعيني ولع يا سيدي ولع
6 comments:
كلام حلو اوى
بس ادينا رجعمنا هنا تانى
وزى ماروحنا زى ماجينا
صباح سعيد
جميل اوى وصفك للايام
وحلوة صورة عبدالحليم وشادية
وفعلا تحسى الناس كانت حلوةو روحها صافية والحياة هادية وبسيطة
لكن دلوقتى البهجة اتنزعت من الحياة برغم كل وسائل الراحة والتقدم
دمتى بكل ود
مين فينا مش حابب يعيش الايام الجميلة دى
ايام راحة البال
والعشرة الجميلة
بجد بوست جميل
دمتى بخير
وكل سنة وانتى طيبة رمضان على الابواب
انا برده نفسي ايام كان الجنيه جنيه قبل لما يعوم
ايام كان الكل مش شايل هم بكره
واخيرا
عايز الزمان يرجع قول للزمان ارجع يا زمان
كلامك جميل
وأنا بقرأ رسالتك خطر لي بأن أكتب عن تغير سلوكنا وذلك من خلال قصتك عن حلفان البائع بأسم اللة كذب فأتمني مشاركتك shabmisr.blogspot
محمود
mahmuuid@yahoo.com
احلام يقظة
Post a Comment