موقف صغير حصل قدام عيني واستغربت منه اوى كنت نازله من الشغل اشترى حاجات يعنى اكل بسكويت وعصير وبعدين مكانش معايا فكه اديت للراجل 10 جنيه عشان احاسب وفي نفس الوقت جه شاب اخد بسكوته واحده وحاسب الراجل واداله 10 جنيه لقيت الراجل بيقوله" لا والله مفيش فكه" الشاب راح سايب البسكته وحط الفلوس في جيبه ومشي انا قلت بقى اخد بعضي بادب كده واحط الحاجه مادام الراجل مش معاه فكه واجيب من حته تانيه ولسه هاحط الحاجه لقيت الراجل مطلع من جيبه شويه فلوس جنيهات على انصاص على ارباع على خمسات وراح فاكك لى الفلوس وسيبته ومشيت طبعا هتسالو ايه الغريب في كده الغريب ان الراجل حلف بالله انه معهوش فكه وده ليه الله اعلم مع ان الراجل مطلع قدام عيني فكه كتير هل لغايه النهارده الحلفان بربنا كدب بقى منجى دون اعتبار ان ان الحلفان بالكدب بيهز عرش السموات السبع وشوفوا بقى كام واحد بيحلف عشان ينجى نفسه ياااااااااه مش بقول احنا عايشين في غابه
13 comments:
اللي بيحلفوا كتيييييييييير
على الفاض والمليان
بصدق وبكذب
الله المستعان
وربنا يهدى الجميع
هى مسألة تعود
هو اتعود اى كلمة يحلف فيها
لكن مش ده المقياس اننا فى غابة
بقوا بيدخلوا يمين ربنا الي هزله سبع سموات في حاجات تافهه زي دي ربنا يسامحهم
تقبلي مروري
عندك حق فعلا الكل بيكدب حاليا
بسبب او بدون سبب
و خاصة حكاية الفكة دي انا شفت فيها مهازل كتير
تروحي تفكي يحلف مفيش فكة لكن لما تيجي تشتري منه حاجة يفكلك ان شاء الله حتى هو اللي يروح يفك
عالم مادية جدا حتى في الحلفان
تقبلي تحياتي و مروري
سلوى
شكرا على مرورك ومعاكي حق اللى بيحلفوا كتير اوى بس بالكدب هوه ده الى انا بستغربله
----------------------------
Sweet Violet
تعود ازاى التعود على الحلفان بمناسبه ومن غير مناسبه
معلش مع احترامى لرايك بس احنا في غابه الناس عايزة تنجى نفسها على حساب بعض ووصلوا انهم ما يهمهمش ان عرش ربنا يتهز او لا
----------------------------
ديالا
اتشرفت بمرورك جدا وفلا ربنا يهديهم قبل ما يسامحهم
----------------------------
واحده مجنونه
شوفنا وياما هنشوف حاجات مخجله زي دي
يارب ما تكونش اخر زياره
----------------------------
شكرا ليكم جميعا ويارب نزور بعض دايما
مهرة
أقولك الصراحة هو اعطاكي الباقي عشان هو راجل لإنك آنسة وهو عينه زايغة لكن مش هيتعب نفسه عشان راجل
يدخل جهنم عشان ميحطش ايده في جيبه ويحلف كدب
عالم ولاد ستين بتاع
ربنا يرحمنا برحمته ويعافينا
دمتي بخير
كاتب مصري
فعلا عالم ولاد ستين في سبعين بس يا ترى حالنا هيبقى ازاى لما حتى عرش ربنا بنستخف به
ازاى هيكون فيه امان
عشان كده انا معنتش بثق في الناس
شكرا لمرورك
بعد ان زالت عظمة الله من قلوب الكثيرين صار الحلف بلا قيمة بالنسبة لهم
اذكر ان الامام ابو حنيفة وكان تاجرا بالاضافة لكونه فقيها عاهد نفسه انه كلما حلف بالله وكان لا يحلف الا صادقا طبعا
المهم كلما حلف اخرج دينار صدقة حتى تعود الا يحلف قط
اما نحن فربما انطبق علينا قول الخالق (وما قدروا الله حق قدره
دمتى بخير
مدونة جميلة تحياتى)
الحلفان كدب بالله و بالطلاق و العياذ بالله بقى زى اللبانه فى بوأ بعض الناس بدون رابط و لا ضابط يعنى بقت مسألة تعود و خيبه تقيله ..
بس هو حضرتك كنتى نازله من الشغل تشترى بسكويت و عصير أثناء ساعات العمل الرسميه و لا بعد اٍنتهاء العمل ؟؟ :)
تقبلى تحياتى و تقديرى ..
Dr.A.S. black armor
معاك الف حق فعلا عظمه ربنا ما عادتش مهمه بالنسبه للناس عشان كده انا بقول انا احنا في غابه لان ماعتش فيها امان
------------------------------
عمرو
هههههه وهي تفرق كتير؟؟؟؟ لا اثناء ساعات العمل عشان انا في قطاع خاص والمساله عندنا في الشغل عادى عشان عندنا فراش
-------------------------------
شكرا على مروركم
ده الطبيعي
وقال ايه احنا شعب متدين
التدين عندنا مظاهر بس لكن افعال لأ
Post a Comment