Sunday, March 7, 2010

المزارعات الفاتنات

ياااااااااه بقالي كتير اوى مجيتش هنا والله وحشتنى اوى اوى المدونه دي
انا جايه احكي على حاجه بصراحه عجبتنى اوى وهي "المزارعات الفاتنات"طبعا محدش فاهم حاجه
عملت اكونت عادي جدا على الفيس زي اى مواطن بشري في المصر واللى اصبح ظاهره بس بصراحه انا حبيته اوى لانه بيقرب الناس من بعضها اوى الناس ممكن تستخدمه في حاجات كويسه وممكن حاجات مش كويسه
المهم فيه لعبه هاتجننى لحد دلوقتى وهي
farmville
والفيس بوكيين المأصلين طبعا عارفينها المهم اللعبه بقيت بتعمل مفاجات وبتخلى الناس تتشارك مع بعضها عشان نعدي اللعبه دي واصبحت هوس لاغلب البنات
واحده عملت جروب وسميته المزارعات الفاتنات وجمعت اكتر ناس بتلعب ومهتمه بالعبه دي وبدل ما بقينا بنتشارك بس عشان نلعب بقينا بنتعرف على بعض وبقينا اصحاب واصبح لينا شات كمان بنطمن فيه على بعض
ممكن حد يقول ايه الهيافه دي
بس انا بالنسبه لى مش هيافه لانى بحب اكون صداقات وبحب الناس اوى واتاملت كده ان حاجه بسيطه اوى مجرد لعبه على الفيس تجمع بنات من مختلف المحافظات ومختلف الاعمار وبقوا فعلا صحاب
انا بحب الفاتنات اوى وبحب اللعبه اوى اللى قربتنا اوى ومش عارفه لما اللعبه دي نخلص هنعمل ايه
بس الجديد بقى انى لاقيت اغلبهن من المدونات...الله على كده يعنى هانتشارك كمان في المدونه
الله الله

4 comments:

Anonymous said...

ربنا يسامحك يا مها جايه تسيحيلناعلي البلوج كمان هههههههه

بتقولي يا ستو انا هانعمل ايه بعد ما تخلص هانعتزل بقي ونحترف التدريب ومش بعيد نعمل ماتش اعتزال ونلم فيه بؤجة دولارات ورجال الاعمال يتبرعولنا بشقه وعربيه وشاليه في الساحل الشمالي للفارم فيل ههههههه


انا فضفضة يابنتي بس مكسله اعمل سين ان

Anonymous said...

هههههههه على فكرة اللعبة دي مش للبنات بس

فيه ولاد اصحابي كتير بيلعبوها

انا مجربتهاش لغاية دلوقتي لأن الفيس بووك واخد حقه معايا تالت ومتلت من غير مزارعات :D

فرصة سعيدة :)

تحيــاتي

Anonymous said...

اسمك مها؟؟؟ طب إشطة
يعني بصرة
وإن كنت مليش في لعب الفيس بوك انما مبسوطة اني قابلتك

^_^

مها ميهوووو

كلمات من نور said...

هههههههههههههههه هو انتي منهن؟

طيب اصل أنا عامله حركة ضدهن وكل فترة بامشي بالمشاعل و أقول لعب المدونات الفاتنات في الفارم فيل باطططططططططططططل

يارب ترجعي تاني بقى